• Басты
  • «Әзірет Сұлтан» музейінде «Ядролық қарусыз әлем» тақырыбында көрме өтті

«Әзірет Сұлтан» музейінде «Ядролық қарусыз әлем» тақырыбында көрме өтті

19 Тамыз, 2016 20:43
«Әзірет Сұлтан» мемлекеттік тарихи-мәдени қорық-музейі кітапхана бөлмесінің оқырмандар залында «Ядролық қарусыз әлем» тақырыбында фото, кітап көрмесі ашылды. Шара 29 тамыз – халықаралық ядролық қаруға қарсы күрес күні мерекесіне орай ұйымдастырылды, деп хабарлады МСМ.

ХХ ғасырдың соңында КСРО Үкіметі еліміздің Семей өңірін ядролық қарудың сынақ алаңына айналдырды. Статистикалық мәліметке жүгінсек, бір айда 19-ға дейін сынақ жүргізіп отырған. Жалпы елімізде 500-ге жуық  ядролық қаруды сынақтан өткізген екен. Осыған орай елімізде «Невада-Семей» қоғамдық қозғалысы құрылып, нәтижесінде бір айда 19 мәрте сынақтан өтетін ядролық қару он есеге дейін азайды.

1991 жылы 29 тамызда Елбасымыз Н.Ә.Назарбаевтың Семей полигонын жабу туралы Жарлығы шықты. Сөйтіп тиянақтылық пен табандылық танытқан қазақ халқы өз мақ­сатына жетіп, халқымыздың басына төнген зұлмат күндер артта қалып, егеменді, тәуелсіз еліміз ядролық қарудан бас тартып, бүкіл әлемге бейбітшілік есігін айқара ашты.

 

Барлық жаңалықтар