Варшавада Қазақстан-Польша бизнес форумы өтеді
19 Тамыз, 2016 11:47
Aғымдағы жылғы 23 тамыз күні Варшава қаласында Қазақстан Республикасы Президенті Н. Назарбаевтың мемлекеттік сапары шеңберінде екі елдің ресми тұлғалары мен іскер топтарының қатысуымен Қазақстан-Польша бизнес-форумын өткізу жоспарлануда, деп хабарлады Инвестициялар және даму министрлігінің баспасөз қызметі.
Польша жағынан көлік және логистика, құрылыс, денсаулық сақтау , ауыл шаруашылығы, машина жасау, азық-түлік өнеркәсібі және т.б. салалардың бизнес өкілдерін қоса, 200-ден астам адам қатысады.
Іс-шараның мақсаты - Қазақстан Республикасы мен Польша Республикасының іскерлік топтарының сауда-экономикалық ынтымақтастығын жандандыру, сонымен қатар поляк инвесторлары үшін 2015-2019 жылдарға арналған Казақстанның индустрияландыру бағдарламасы және мемлекеттік қолдау шараларын таныстыру болып табылады.
Іс-шара ұйымдастырушылары: Қазақстан Республикасы Инвестициялар және даму министрлігі және «KAZNEX INVEST» экспорт және инвестициялар ұлттық агенттігі» АҚ.
