Қазақстандағы барлық мектептер таңдаулы болуы керек – Назарбаева

«Талқыланатын басты мәселе – оқу жоспары мен оқулықтың сапасы. Бұл тақырып әркімге жақын. Біз балаларымыз сапалы кітаптардан білім алғанын қалаймыз. Бұл бағытта жұмыс барынша жалғасуда. Биыл бірінші сыныптардың барлық оқулықтары бірыңғай базалыққа көшіріледі. Олар алдыңғы жылдардың кемшілігін ескеріліп дайындалды. Біз ол үшін өз алғысымызды айтуымыз керек. Себебі, Мәжіліс депутаттары бұл іспен күресті», - деді Премьер-Министрдің орынбасары Дариға Назарбаева.

Ол өңірлердің барлық мектептері сапалы оқулыққа қол жеткізетіне уәде берді.

«Бүгінде бірыңғай оқулықтардың 95 пайызы басылды. Өз уақытында жеткізу мәселесі министрліктер мен әкімдіктердің бақылауында тұр. Мен әрбір әкімге хабарласып, оқулықтарды уақытында жеткізу мәселесіне көңіл бөлуін сұраймын», - деді Д.Назарбаева.

Ол айтып өткендей, қазір екінші сынып үшін оқулықтар әзірленуде.

«Біздің ғалымдар мен сарапшылар екінші сынып оқушылары үшін оқулықтар әзірлеп жатыр. Бұл жұмыс жоғары деңгейде өткізілуі керек.  Білім саласындағы комитет бұл бойынша жұмыс жүргізуде. Оқулықтарды дайындау үшін қоғам тартылды. Меніңше, бұл мәселеде жақсы кеңестер мен пікірлер алдық», - деді ол.

Сондай-ақ, Дариға Назарбаева жоспарда мектептерді бейнеқондырғымен қамту да бар екенін айтып өтті.

«Біз ақпараттық технологиялар заманында өмір сүріп жатырмыз. Бұл ұстаздардың жұмысын әлдеқайда жеңілдете түседі. Бұл қондырғылармен барлық мектептер қамтылады. Барлық мектептер таңдаулы болуы керек. Жаңа қондырғылар үздік білім беру бағдарламаларына, ресурстарына қол жтекізуге мүмкіндік береді. Бұл бізге барлық өңір мектебіндегі сапаны арттыруға көмектеседі», - деді ол.