«Болашақ» бағдарламасының әкімшілігі базасында бірыңғай ресурс ашылды

18 Тамыз, 2016 18:57

Қазақстан Республикасы Білім және ғылым министрлігінің «Халықаралық бағдарламалар орталығы» АҚ президенті Гани Ныгыметовтің бастамашылығымен «Болашақ» бағдарламасының ресми сайтында бірегей жоба – Бірыңғай ақпараттық білім ресурсы (БАБР) іске қосылды, деп хабарлады «Халықаралық бағдарламалар орталығы» АҚ баспасөз қызметі.

Бұл ұсынысты Гани Ныгыметов Қырғызстанның Бішкек қаласында 2016 жылғы 22 шілдеде болып өткен Азиядағы Өзара іс-қимыл және сенім шаралары отырысы (АӨСШО) Жастар кеңесінің екінші конференциясы шеңберінде жариялаған болатын. Атап айтқанда, отырыс барысында ол қазақстандық тарап осы мәселемен айналысып, ашық көздерден алынатын ақпараттар негізінде жақын арада бұл жобаны іске қосатындығын хабарлаған.

Бұл жерде жалғыз ресурстан кез келген адам бакалавриат, магистратура және докторантура бағдарламалары бойынша оқу үшін шетелдің 13 елінен әлемдік стипендиялар бойынша ақпараттық-анықтамалық мәліметтер таба алады. Бұған қоса, БАБР алмасу, тағылымдамалар және семинарлар сияқты қысқа мерзімді бағдарламаларды қамтиды.

Сонымен қатар жоба бастамашылары ақпараттық ресурстардың мазмұнын ең өзекті деректермен ұдайы жаңартып отырады, және қажетті көлемде контент құрылғаннан кейін жеке сайт ашылып, онда АҚШ, Еуропа, Азия, Австралия және Океания елдерінің стипендиалдық және қысқа мерзімді бағдарламалары бойынша пайдалы ақпарат топтастырылады.

Барлық жаңалықтар