1-сыныпқа арналған бірыңғай базалық оқулық дайын – БҒМ
18 Тамыз, 2016 16:58
МЕСБ жаңа бағдарламасы кезеңімен 30 пилоттық мектепте қабылдаудан өтуде.Бұл туралы ҚР Бiлiм және ғылым министрi Ерлан Сағадиев Астанада өтiп жатқан «Бiлiмдi ел – Мәңгi ел» атты бiлiм саласы қызметкерлерiнiң республикалық тамыз кеңесi барысында мәлiмдедi.
«Биыл барлық деңгейге арналған Мемлекеттік білім беру стандарты мақұлданды. Біз ол бойынша көп жұмыс істедік, әлемдік стандарттарға сай болып отыр. МЕСБ жаңа бағдарламалары кезеңімен 30 пилоттық мектепте қабылдаудан өтуде. Барлық жерде оңтайлы көрсеткіш белгіленіп отыр. Біз оқушылар мен ұстаздардан, ата-аналардан жақсы пікірлер естідік», - деді Е.Сағадиев.
Ол айтып өткендей, бірінші сыныпқа арналған базалық оқытулық дайын болды.
«Менің оған көзім жетті. Толық шығарылды. Қазір мектептерге оқулық жеткізу жүзеге асуда. Жалпы, базалық оқулықтар өте зор мәнге ие. Бұл өңірлер арасындағы білім алу сапасын да арттырады, оған қоса, бюджеттік қаржының тиімділігіне де әкеледі, одан әрі біз олардың мазмұнымен жұмыс істейтін боламыз», - деді министр.
