• Басты
  • Астанада білім саласы қызметкерлерінің тамыз кеңесі өтуде

Астанада білім саласы қызметкерлерінің тамыз кеңесі өтуде

18 Тамыз, 2016 15:39
Астанада білім саласы қызметкерлерінің республикалық тамыз кеңесі өз жұмысын бастады.

Бүгінгі кездесу «Мәңгілік ел» жалпыұлттық патриоттық платформа міндеттерін іске асыру белгісімен өтеді және тамыз кеңесінің тақырыбы «Білімді ел -  Мәңгі ел» деп аталады.

Пленарлық отырыс жұмысына ҚР Премьер-Министрінің орынбасары Дариға Назарбаева, ҚР білім және ғылым министрі Ерлан Сағадиев, облыстық білім беру ұйымдарының өкілдері, ЖОО ректорлары, мектеп директорлары, мұғалімдер,  ата-аналар қауымының өкілдері, БАҚ, «Нұр Отан» ҰДП, «Атамекен» ҰКП қатысады.

Отырыс барысында білім беруді дамытудың өзекті мәселелері талқыланатын болады, сонымен қатар, алдағы оқу жылына білім беру ұйымдарының дайындықтары талқыланады.

Айта кетейік, Тәуелсіздік жылдарында мемлекет 1356 жаңа мектеп салды және шамамен 450 балабақша. Сонымен қатар, жеке секторларда 2200-ден астам балабақша ашылды. Бүгінгі күні, елімізде 7 мыңнан астам мектеп, 9 мыңнан астам балабақша, 807 колледж, 125 ЖОО жұмыс істейді. Мектеп оқушыларының саны 2,7 млн адамды құрайды. Оларға 350 мыңнан астам ұстаз білім береді.

Индира Қауметова

 

Барлық жаңалықтар