Қазақстан жолаушыларына интернет арқылы сатып алу кезінде пойыздың сапасы туралы ақпарат беріледі

Жолаушыларды тасымалдаудың жаңа Ережесіне сәйкес, жолаушылар пойызында жүк пен жолжүк туралы ақпараттар міндетті түрде Мультимедиялық құралдар арқылы жеткізілетін болады. Айталық, пойыз бағытының кестесі туралы ақпаратпен қамтамасыз ету, пойыздың бағдар бойынша тоқтау бекеттері туралы, қызмет көрсету, жолаушылар пойызындағы негізгі жағдайлар туралы, ойын-сауық бағдаламаларын біліп отыру қамтамасыз етіледі.

Сонымен қатар, аталмыш құрылғыларда қызмет көрсетуші мен жолаушының міндеттері туралы ақпараттар қол жетімді болады. Онда қызмет көрсету сапасы туралы пікірлер мен ұсыныстарды жазып қалдыруға мүмкіндік бар.

Сондай-ақ, аталмыш Ережеге сәйкес, жол жүру құжаттарын (билеттерді) сататын интернет-ресурстарда пойыздың сапасы туралы, вагондардың қай жылы шыққаны жөнінде, әр вагонда ауа баптағыш жүйесінің жайы, пойыздың санаты туралы, жолаушылар пойызында қоғамдық тамақтану орынының болуы, жүк вагонының бар-жоғы, вагонның ішкі жағдайы (фотоматериал арқылы), қосымша қызметтердің көрсетілуі туралы толық ақпарат берілетін болады.

Осыған байланысты әр жолаушы билет сатып алмас бұрын пойыздың сапалық деңгейіне мән беріп, алдын ала пойыз жайында ақпараттанаттана алады.

Аталмыш функционал epay.railways.kz сайтындағы «сипаттама» деп аталатын қосымшада бар.

Сонымен қатар, 2016 жылдың 6 айында жолаушылар тасымалының айналымы 4% құрап, 356 млн. жолаушы-шақырымға артқан. Жолаушыларды тасымалдау өсімі 2% құрап, 216,6 мың жолаушыға артқан.

Сонымен бірге, электронды тәсілмен 6 айда 7,06 млн. жолаушы билеті сатылған. Бұл барлық орташа жылдық сатылымның 31% құрайды.