Астана сотында бітімгершілік рәсімдердің артықшылықтары түсіндірілді (БЕЙНЕ)

17 Тамыз, 2016 19:58

Астана қаласының сот судьясы Гүлжанат Рахметова Strategy2050.kz. АА берген сұхбатында азаматтық істерді қарау кезіндегі бітімгершілік рәсімдердің артықшылықтарын түсіндіріп өтті.

«Бітімгершілік рәсімнің төрт түрі бар: медиация, сот медиациясы, бітімгершілік келісім және қатысу тәрті. Қатысу тәртібі – бұл жаңа институт және ол 2016 жылдың 1 қаңтарында іске қосылды»,-деді судья.

Оның айтуы бойынша, жаңа азаматтық іс жүргізу кодексін енгізгеннен кейін астанада 10-нан астам келісім бекітілді.

«Жаңа азаматтық іс жүргізу кодексін енгізгеннен кейін сот медиациясын өткізу құқығы сотқа берілген. Сонымен қатар, айта кететін жайт, жалпы медиацияның артықшылығы және жалпы бітімгерлік келісім – бұл, біріншіден, достық қарым-қатынасты сақтап қалу, уақытты үнемдеу, мемлекеттік бажды жеңілдікпен қайтару, яғни, талап қоюшы өтініш берген кезде сотқа тиісті талапқа керек мембажды төледі және кез келген мемлекеттік баж талап қоюшыға қайтарылады»,-деді ол.

Сонымен қатар, Г.Рахметованың айтып өткеніндей, судья міндетті түрде істі қарау барысында тараптардың құқықтарын қарастырады.

Индира Қауметова

Бейнеге түсірген Азамат Әлиев