Универсиада-2017 нысандарының іске қосылуы бекітілген уақытынан ерте өтеді – Н.Нуров

Н.Нуровтың айтуынша, Универсиаданың барлық нысандары алық үшін барынша қолжетімді болады. Қала қонақтары мен тұрғындары үшін Универсиада нысандарының қолжетімділігі турады бағдарлама құрастырылған.

«Қазіргі таңда, 12 және 3 мыңдық мұз кешендерінде спорттық секциялардың кестесі әзірленіп, қала тұрғындары мәнерлеп сырғанау, күрес, бокс, жүзу, би және тб. үйірмелерге жазыла алады. Екі көпсалалы 12 және 3 мыңдық мұз кешендері жылына 800 мың көрерменді қабылдай алады. Мұра бағдарламасы бойынша, Атлеттер қалашығында Олимпиадаға даярлау орталығы, емхана, тұрмыс қызметтері, «Қазпошта бөлімшесі» полиция бекеті тб. Ашылады», - деді ол.

12 мыңдық стадион мен Атлеттер қалашығы бұқаралық спортты дамытып қана қоймай, Алатау ауданының да дамуына оң ықпал етеді.  

«Универсиада –  ел тарихының 25 жылындағы ең ірі  мультиспорттық жарыс.  Ойындардың арқасында, Алматы қаласы жаңа нысандармен толығып жатыр. Көпсалалы мұз кешендері, олимпиадалық қысқы спорт түрлерін дамытатын, танытатын алаңға айналады»,- деп сөзін қорытындылады Н.Нуров.

Индира Кауметова