Алматыда Универсиадаға дайындық аясында 5 мың спортшыға арналған Атлеттік ауыл салынды

 «Универсиада – жастардың спорттық форумы.  Келесі қыста Алматы бүкіл әлем студенттерінің бас қосатын, мультимәдени алмасу алаңына айналады. Біз, Универсиаданың Алматыда өтетініне қуаныштымыз. Өйткені, бұл қала, студенттердің шахары.  Бұл жерде Қазақстанның әрбір 4-ші студенті оқиды»,- деді  Универсиада дирекциясының басшысы Наиль Нуров.

«Алматыдағы жарыстар 8 спорт нысанында өтеді. Оның екеуі Универсиадаға арналып салынған жаңа мұз кешендері.  Сондай-ақ, ойындарға арналып, қысқы Универсиада тариында алғаш рет Атлеттер қалашығы салынды. Барлық жаңа нысандардың құрылысы мерзімінен екі ай бұрын аяқталды. Универсиада нысандарындағы қазқамту үлесі  60%-ды құрап, 4200 жұмыс орнының ашылуына түрткі болды.  Құрылыс жұмыстарын жүргізген толықтай қазақстандық компаниялар», - деді ол.

Айта кетейік, Қазақстан ТМД елдері арасынан бірінші болып, қысқы Универсиаданы өткізеді. Қазіргі таңда, Ұйымдастыру комитеті жарысқа тыңғылықты дайындалу үстінде. Барлық операциялық қызметтері Халықаралық студенттік спорт федерациясы (FISU) талабы бойынша орындалып, аталған ұйымның бақылауында.

Индира Кауметова