Қарағанды облысында егін жинау науқаны басталды - АШМ
16 Тамыз, 2016 18:49
Ағымдағы жылы Қарағанды облысында 734,3 мың га. аумаққа ауыл шаруашылығы дақылдары егілді.16 тамыздағы жағдай бойынша өңір аумағында 1,5 мың га егіс алқабы жиналып, 1,2 мың тонна астық бастырылды, деп хабарлады Ауыл шаруашылығы министрлігі.
«Казгидромет» РМК Орталық Қазақстандағы ауарайының болжамдарына сәйкес жаппай егін жинаудың басталуы тамыз айының соңында – қыркүйек айының басында күтілуде.
Сонымен қатар, Қарағанды облысының ауыл шаруашылығы тауар өндірушілеріне 2016 жылдың күзгі дала жұмыстарына 9,0 мың тонна арзандатылған жанармай бөлінді.
Жалпылай алғанда, республика бойынша 16 тамызға 861,0 мың га жиналып, орташа егіс өнімділігі 21,2 ц/га құраған, ал бастырылған егін 1 827,0 мың тонна.
