• Басты
  • ҚР Премьер-Министрі Алматыда қаржы секторы мәселелері бойынша кеңес өткізді
16 Тамыз, 2016 09:46

ҚР Премьер-Министрі Алматыда қаржы секторы мәселелері бойынша кеңес өткізді

ҚР Премьер-Министрі Кәрім Мәсімов банк секторының өкілдерімен қаржы ұйымдарының қызметі мәселелерін талқылады, деп хабарлады Премьер-Министрдің ресми сайты.

ҚР Премьер-Министрі Алматыда қаржы секторы мәселелері бойынша кеңес өткізді | Strategy2050.kz

Кеңесте ҚР Ұлттық банкі төрағасы Д. Ақышев, Қазақстан қаржыгерлері қауымдастығы Кеңесінің төрағасы М. Әуезов, «Атамекен» ҚР ҰКП басқарма төрағасының орынбасары Ю. Якупбаева сөз сөйледі.

Күн тәртібінде бірнеше тақырып, оның ішінде – Үкіметтің маусымдағы отырысында Премьер-Министрдің берген хаттамалық тапсырмаларын орындау, ҚР Ұлттық қоры қаражаты есебінен өңдеу өнеркәсібі кәсіпорындарын қаржыландыру қаралды.

Д. Ақышев реттеушінің жүргізіп жатқан ақша-несие саясаты туралы айтып берді.

Жалпы, оның айтуынша, елімізде ақша-несие шарттары жеңілдетілуде.

Мемлекет басшысының тапсырмасы бойынша Ұлттық банк банктердің активтерінің сапасына бағалау жүргізумен байланысты жұмысты жалғастыруда.

«Қазіргі уақытта біз үздік халықаралық практиканы тиімді қолдану мақсатында халықаралық сарапшыларды тарта отырып, әдістеме, ақпаратық ресурстар мәселелерін, реттеуші құралдарды және қолданыстағы құқықтық базаны пысықтап жатырмыз. Банктердің барлық ұсыныстарын мұқият қараймыз, сәйкесінше активтердің сапасын бағалаудың алдағы қадамдары мен тетіктерінде банк секторының пікірлері барынша ескерілетін болады», - деді Ұлттық банк төрағасы.

Сондай-ақ Ұлттық банкте зейнетақы активтерін жеке компаниялардың басқаруына беру бойынша жұмыс қалай жылжып жатқандығы айтылды. ҚР ҰБ болжамына сәйкес зейнетақы жинақтарының бір бөлігін жеке басқаруға беру бойынша іс-шаралар 2019 жылдан ерте емес жүзеге асырыла алады.

«Бірінші кезекте, банктер нақты өндірісті несиелей алатындай жағдай жасауларыңыз керек. Өндіріске қолдау көрсету және жұмыс орындарын құру – бұл ең бастысы», - деді баяндамашылардың сөзін тыңдаған Кәрім Мәсімов.  

 

 

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды