Қазақстандық ауыл мұғалімдері шетелдік университеттерде білім алады

«Ауыл мұғалімдері үшін бөлек квота беру – республикалық комиссияда талқыланып жатқан мәселенің бірі. Олар үшін бөлек квота құру үшін, яғни, ауыл мұғалімдері үшін  ағылшын тілі бойынша жеңілдік шарттары болады. Ауылдарда білім сапасын жоғарылатуды көтеру мақсатында мұғалімдерге қолдау көрсетіледі»,-деді Ғ.Нығыметов.

«Болашақ» талапкерлерін күтіп тұрған тағы бір өзгешелік – екі жылдық жұмыс өтілін талап етілмеуі.

«Сіздер білесіздер, өз беттерінше шетелдік университеттерге оқуға түскен азаматтарға екі жылдық жұмыс өтілімін алып тастау туралы мемхатшы айтқан болатын. Ол іс жүзінде орындалды, біз өзгертуді жасадық, оны Үкіметке бердік. Ендігі күні қаулының шыққанын күтудеміз және алдағы уақытта қаулы күшіне енеді деп ойлаймыз. Ал, қыркүйек айының соңына дейін жаңа бағыт бойынша құжатар қабылдауды бастаймыз»,-деді Ғ.Нығыметов.

Бүгінгі күні «Болашақ» бағдарламасы бойынша шамамен 1500 студент шетелде білім алуда.