«ҚТЖ» мен «China COSCO Shipping Corporation ltd» даму стратегиялары Еуразия құрлығында тоғысады
Қонақтар Алтынкөл станциясын, құрғақ порт инфрақұрылымын, «Қорғас-Шығыс қақпасы» АЭА-ның логистикалық және индустриалды аймақтарын аралады. Сондай-ақ, олар құрғақ портта контейнерлерді қытайлық тар жолтабаннан (1435 мм) қазақстандық жалпақ (1520 мм) жолтабандарға қайта тиеу үдерісімен танысты.
««Қорғас-Шығыс қақпасы» АЭА – қарқынды дамыт келе жатқан аймақ. Ол еліміз бен компаниямыздың экономикалық дамуының драйвері болып табылады»,- деді «Қазақстан темір жолы» ҰК» АҚ вице-президенті Қанат Алпысбаев.
«China COSCO Shipping Corporation ltd» өкілдері олар үшін «ҚТЖ» ҰК» АҚ-мен стратегиялық серіктестіктің маңыздылығын атап өтті.
«Біздің компаниялар Еуразия құрлығында логистикалық орталықтарды дамыту мақсатында бірдей қызығушылық танытуда. Сондықтан, біздер тоғысу нүктелерін тауып, бірлескен жобаларымызды жүзеге асыруымыз керек», - деді «China COSCO Shipping Corporation ltd» бас директорының орынбасарыХуан Сяовэн.
«Қорғас-Шығыс қақпасы» АЭА» ЖШС бас директорының орынбасары Хишам Белмаши көлік-логистика хабының тұсаукесерін өткізді. Негізінен, Алашанькоу-Достық және Алтынкөл-Қорғас қазақстан-қытай шекара өткелінде пойыздарды өңдеу уақыты айтарлықтай қысқарғаны атап өтілді. Сондай-ақ, жаңа теміржол желілерін іске қосқалы қазақстандық магистарльдары арқылы қатынайтын транзитті құрамдардың жылдамдығы артқаны айтылды.
