Жамбыл облысында астық жинау аяқталуға жақын

15 Тамыз, 2016 13:07

Ауыл шаруашылығының жалпы өнім көлемі 47,3 млрд. теңгені құрады,нақты көлем индексі - 102,2%, оның ішінде өсімдік шаруашылығы өнімінің көлемі – 936,0 млн. теңге (НКИ – 129,2%), мал шаруашылығы – 46,3 млрд. теңге (НКИ – 101,8%), деп хабарлады облыс әкімдігі.

«Агроөнеркәсіп кешенін қолдауға 2016 жылы 8,2 млрд. теңге субсидия қарастырылған, оның ішінде республикалық бюджеттен – 3,2 млрд. теңге, облыстық бюджеттен – 5,1 млрд. теңге. 01.07.2016 жылғы жағдайға 2,1 млрд. теңге бюджеттік қаражат игерілді, оның ішінде республикалық бюджеттен – 601,7 млн. теңге, облыстық бюджеттен – 1,5 млрд. теңге», - делінген хабарламада.

Өсімдік шаруашылығында жемді дайындау және дәнді дақылдарды жинау жұмыстары аяқталуда. 2016 жылдың 3 тамызына жинауға жоспарланған жемдік дақылдар алқабының 405,0 мың га немесе 83,7%-ы орылды. 1150,4 мың тонна пішен дайындалды, бұл көзделген жоспардың 107,3%-ын құрайды, пішендеме - 11,4 мың тонна немесе 72,2%.

2016 жылғы3 тамыздағы жағдайға, жинауға көзделген 247,9 мың га дәнді дақылдардың 189,9 мың га немесе 76,6% жиналды. Орташа өнімділік 21,9 ц/га құрады (2015 жыл – 15,8 ц/га).
Мал шаруашылығында 46,4 мың тонна ет (тірі салмақта) өндірілді немесе 2015 жылдың қаңтар-маусымына 102,2%, сүт – 137,7 мың тонна (102,1%), жұмыртқа – 42,4 млн. дана (82,4%), жүн – 4,7 мың тонна (101,5%).

Барлық жаңалықтар