Ақмола облысында Астананың азық-түлік белдеуін дамыту үшін жылыжай салынуда
15 Тамыз, 2016 12:46
Астананың азық-түлік белдеуін дамыту аясында Ақмола облысы Қорғалжын ауданында жылына қуаттылығы 10 тонна қияр мен қызанақ беретін жылыжай салынуда, деп әкімдікте хабарлайды.
«Қазір Қорғалжын ауданының Сабынды ауылында жылына қуаттылығы 10 тонна болатын қазіргі заманға сай жылыжайдың құрылысы жүргізілуде»,-деп хабарламада айтылған.
Бұл жерде қияр мен қызанақ өсіру жоспарланған, азық-түліктерді астанаға өткізуге бағытталған. Әкімдіктің мәліметі бойынша, инженерлік коммуникация өткізілген: электр және су жабдықтау құралдары қосылды.
Алдағы күндері жалпы аумағы 1,8 га болатын поликорбанаттан жасалған 8 жылыжайды орнатады. Аталмыш жобаның жалпы сомасы 305 млн теңгені құрады.
Айта кететйік, бүгінгі күні Ақмола облысы елорданың жұмыртқа, ұн және картопқа деген сұранысын 100 пайызға қамтамасыз етуде. Сонымен қатар, сүт өнімдерімен 45 пайызға және етпен 50 пайызған. Аталмыш бағытта жұмыс жалғасын табуда.
