Шри-Ланка «ЭКСПО-2017» көрмесіне қатысу туралы келісімшартқа қол қойды

Ақпарат бойынша, сапар барысында қазақстандық дипломат Шри-Ланканың өнеркәсіп және сауда Министрі Ришад Басиудинмен, Шри-Ланка ұлттық секциясының комиссары-«Huejay International» корпорацияның басқарма төрағасы Хуберт Джайкоди және еліміздің іскер топтарымен кездесті.

Өнеркәсіп және сауда министрлігінде тараптар екіжақты ынтымақтастықтың өзекті мәселесі бойынша ой бөлісті. «ЭКСПО-2017» Комиссары ланкейлік жаққа Қазақстанды қолдағандарына алғысын білдірді.

«ЭКСПО-2017» көрмесіндегі Шри-Ланка ұлттық секциясының комиссарымен кездесу барысында әңгімелесушілер мемлекеттік көрмеге қатысу жағдайын және ланкейлік павильоннның тұратын орнын анықтады. Шамамен оның аумағы 526 шаршы метрді құрады. Сонымен қатар, Х.Дейкоди 2117 жылдың 19 шілде айында «ЭКСПО-2017» көрмесінде Шри-Ланканың ұлттық күнін өткізу туралы өтінішін білдірді және оған Шри-Ланка Президенті Майтрипала Сириены қатысады деп жоспарланған.  

Р.Жошыбаев сөз барысында Шри-Ланканың астанадағы көрмеге қатысуы екі ел арасындағы қарым-қатынасқа айтарлықтай қадам болатындығын айтып өтті. 12 алдыңғы халықаралық көрмеде Шри-Ланканың Комиссары болған Х. Джайкоди «ЭКСПО-2017» көрмесіне дайындықты жоғары бағалады және Шри-Ланканың «жасыл» энергетика саласында елде қолданып жүрген технологияларды көрсететіндігін жоспарлап жатқандығын мәлімдеді.  Комиссардың айтуы бойынша,бүгінгі күні Шри-Ланкада жалпы орнатылған энергетикалық нысандардың қуаттылығы 3,9 ГВт-ны құрайды, оның ішінде 11 пайызы немесе 448 МВт жаңартылатын энергия көздері бойынша жұмыс істеп жатыр. 2030 жылға қарай, Шри-Ланка 100% электр энергиясын өндіру үшін жаңартылатын энергияның үлесін көбейтуді жоспарлап отыр.

Кездесу қорытындысы бойынша, Р.Жошыбаев пен Х.Джайкоди өнеркәсіп және сауда министрі Р. Басиудин мен Индиядағы ҚР Елшісі және бір мезгілде Шри-Ланкадағы елші Б. Сәрсенбаевтың қатысуымен Шри-Ланканың «ЭКСПО-2017» халықаралық көрмесіне қатысу туралы Келісімшартына қол қойды.