Жаңатаста жаңа спорт кешені мен 120 пәтердің кілті табысталды
«Спорт пен дене шынықтыру - адамдардың денсаулығын жақсартып, еңбекке қабілетін арттыруға зор үлес қосады. Сондықтан Елбасы елімізде спорттың дамуын қатты қадағалап, қамқорлық жасап отыр. Жуырда ғана облысымызда болған Мемлекет басшысы жаңадан пайдалануға берілген «Тараз-Арена» Cпорт сарайын аралап көріп, ризашылығын білдірген болатын. Енді, міне, жақсы істің жалғасындай тағы бір кешен спортшыларға есігін айқара ашты.
Жаңа спорт кешенінде 300-ден астам адамның спорттың 6 түрімен тұрақты айналысу мүмкіндігі бар. Осы кешеннен облыс қоржынына олжа салатын жеңімпаз-дар шыға берсін! Жаңа спорт ғимараты құтты болсын!» - деп ақ тілек арнады облыс әкімі Қанат Бозымбаев спорт кешенінің ашылу салтанатында сөйлеген сөзінде.
Айта кетейік, жаңа спорт кешенінің 4 залы бар. Онда спорттың шағын футбол, баскетбол, волейбол, грек-рим күресі және тағы басқа түрлерімен айналысуға болады.
