Қазақстанның негізгі капиталына салынған инвестициялардың көлемі 3,6777 трлн теңгені құрады

Қысқа мерзімді экономикалық индикатор 2016 жылғы қаңтар-шілдеде 2015 жылғы қаңтар-шілдеге қарағанда 99,5% құрды. Қысқа мерзімді экономикалық индикаторды есептеу жеделділікті қамтамасыз ету мақсатында жүзеге асырылады және ЖІӨ-ң 60%-н аса құрайтын ауыл шаруашылығы, өнеркәсіп, құрылыс, сауда, көлік және байланыс сияқты негізгі салалар бойынша шығарылым индекстерінің өзгеруіне негізделеді.

2016 жылғы қаңтар-шілдеде көтерме сауда көлемі 9223,9 млрд. теңгені немесе 2015 жылдың тиісті кезең деңгейімен салыстырғанда 93,7% құрады (салыстырмалы бағада).

2016 жылғы қаңтар-шілдеде өнеркәсіп өндірісінің көлемі қолданыстағы бағаларда 8512 млрд. теңгені құрды, бұл 2015 жылғы қаңтар-шілдеге қарағанда 1,4% азайды. Өңдеу өнеркәсібінде өндіріс көлемі 0,6% артты. Кен өндіру өнеркәсібінде және каръерлерді қазуда өндіріс көлемі 3,2%, электрмен жабдықтау, газ, бу беру және ауа баптауда 0,2%, сумен жабдықтауда, кәріз жүйесі, қалдықтарды жинау және бөлуді бақылауда 4,7% төмендеді.

2016 жылғы қаңтар-шілдеде ауыл шаруашылығы жалпы өнімінің көлемі 1048,3 млрд. теңгені құрап, 2015 жылғы қаңтар-шілдеге қарағанда 2,5% артты.

2016 жылғы қаңтар-шілдеде «Көлік» саласы бойынша нақты көлем индексі 104,3%-ды құрды.

2016 жылғы қаңтар-шілдеде жүк айналымының көлемі 283,5 млрд. ткм (коммерциялық жүк тасымалдаумен айналысатын жеке кәсіпкерлердің жүк айналымы көлемінің бағалауы есебімен) немесе 2015 жылғы қаңтар-шілдеге 100,5% құрады. Жолаушылар айналымының көлемі 147 млрд. жкм құрап және 2,2% артты.

2016 жылғы қаңтар-шілдеде «Сауда» саласы бойынша нақты көлем индексі 95,3%-ды құрды.