Қазақстан мен Армения аграрлық саладағы ынтымақтастықты талқылады
Ауыл шаруашылығы министрімен кездесу барысында Елші Қазақстан және Армения арасындағы сауда-экономикалық ынтымақтастықтың барысымен таныстырып, оны арттырудың шараларын ұсынды.
Кездесуде жаңа көліктік бағыттарды белсенді пайдалану туралы пікілер айтылып, тауарларды көршілес Иран елінің аумағы арқылы алып өту, бұған қоса екі елдің кәсіпкерлер қауымдастығына Қазақстан мен Арменияның нарықтарында жаңа іскерлік тауашаларды табуға көмек көрсетіп, сауда қызметтерін қоса жақсарту жолдарын іздестіру туралы айтылды.
Аймақтың аграрлық бағытын ескере отыра, тараптар келешектегі біріккен өндіріс орындарын жақсартып, консервленген жеміс-көкөніс өнімдерін жеткізудегі ынтымақтастыққа арнайы назар аударылды.
Елші мен С. Карапетян екі елдің арасындағы сауда әлеуетін жақсарту жолдарын сараптап, жақын арада өтетін екіжақты Үкіметаралық комиссияның қарсаңында нақты ынтымақтастықты жандандырудың жаңа тәсілдерін табуда белсенді түрде біріге жұмыс жүргізудің қажеттігін атап өтті.
2016 жылдың 11 тамызында Елші Оразаев Қорғаныс Министрі Серан Оганянмен кездесті.
Кездесу барысында жақын күндері Ереван қаласында өтетін Ұжымдық Қауіпсіздік Шарт Ұйымына (ҰҚШҰ) мүше елдердің қорғаныс министрлерінің мәжілісін өткізуге дайындығы сарапталды. Сонымен қатар кездесуде халықаралық және өңірлік қауіпсіздік, қақтығыстар аумағындағы желілердегі тұрақтылық сұрақтары талқыланып, бітімгершілік миссияларға қатысу тәжірибелері, Ауғанстандағы қазіргі әскери жағдай барысындағы ынтымақтастасу мониторингі, сонымен қатар жоғарғы әскери оқу орындарындағы маман кадрлерін дайындау мен оқу-жаттығу шаралары талқыланды.
