Қостанайлық балалар үйінің тәрбиеленушілері Мадридтегі «Атлетика» футбол клубында болып қайтты

12 Тамыз, 2016 20:19

адрид қаласында өткен Қостанай облыстық балалар үйінің бір топ тәрбиеленушілері Испаниядағы Қазақстан Елшілігінің қолдауымен жасалынып отырған «Арманға бастайтын жол» атты әлеуметтік жоба аясында, «Атлетико Мадрид» футбол командасының машықтану базасын, «Висенте Кальдерон» стадионын, «Атлетико Мадрид» мұражайын аралап өтті, сондай-ақ клубтың Фернандо Торрес, Антуан Гризман, Феррейра Карраско және басқалар сияқты танымал футболшыларымен кездесті.

ҚР СІМ ақпараты бойынша Арманға бастайтын жол» - балалар үйінің және мектеп-интернаттардың тәрбиеленушілері арасындағы жалпыұлттық футбол турниры болып табылады, соның жеңімпаздары әлемнің әйгілі футбол клубтарына келуге және әлемдік футбол жұлдыздарымен кездесуге мүмкіндік алады. Жыл сайын аймақтық ойындардың жеңімпаздары турнир ойындарының финалына қатысу үшін Алматыға жиналады.

Турнирдың негізгі міндеттері балалар үйінің және мектеп-интернаттардың тәрбиеленушілеріне футбол дағдыларын дамыту және ынталандыру; тәрбиеленушілердің моральдық тұрғыдағы адамгершілік жеке және командалық рухын нығайту; тәрбиеленушілердің өзіне өзі сенушілік сезімімен қатар, болашаққа деген сенімділігін арттыру; Қазақстан Республикасында футбол спорт түрін дәріптеу және оны дамыту болып табылады.

2013 жылдан бастау алған «Арманға бастайтын жол» атты турнирдың жеңімпаздары Еуропадағы: «Барселона» (Испания), «Милан» (Италия), «Бавария» (Германия) сияқты футбол клубтарында қонақта болды.

Биыл турнир 28 сәуір айында басталып, Қазақстанның тоғыз өңірінде өткізілді, осы жылы команданың жалпы саны 25 (250 баланы) құрады. Турнир жеңімпазы болып Қостанай облыстық балалар үй тәрбиеленушілерінің футбол командасы ие болды.

Жыл сайын турнир ұйымдастырушылары болып «Бауыржан» қайырымдылық қоры, «Нұр Отан» партиясының қолдауымен, Қазақстан футбол Федерациясы және ҚР БҒМ Балалардың құқықтарын қорғау Комитеті болып табылады.

Сонымен қатар, Қостанай облыстық балалар үйінің тәрбиеленушілері Мадридтегі сапары барысында Қазақстан Республикасының Елшілігінде болып қайтты.