Қазақстанда 2016 жылдың екінші жартысында 761 мың тонна мұнай өнімі сатылды
12 Тамыз, 2016 18:19
2016 жылдың сәуір айынан бастап Компания мұнайдың дербес процессингі схемасына ауысқан еді. Жаңа схемаға сай, ҚМГ БӨ мұнайды қайта өңдеу үшін оны АМӨЗ мен ПМХЗ-ға жеткізеді, деп хабарлады «ҚазМұнайГаз» АҚ.
Олардан шыққан мұнай өнімдері «ҚазМұнайГаз – қайта өңдеу және маркетинг» («ҚМГ ҚӨМ») арқылы кепілдік келісімшартына сай одан әрі саудаланады. 2016 жылдың екінші тоқсанында мұнай өнімдерінің саудасы, мұнайдың дербес процессингі схемасына сай, 761 мың тонна мұнай өнімдерін құрады.
Мұнай өнімдері саудасынан түскен таза кіріс көлемі (процессинг пен саудалауға қатысты кеткен шығындарды есептемегенде) 2016 жылдың екінші тоқсанында АМӨЗ-де бір тоннасына 37 148 теңге және ПМХЗ-да бір тоннасына 47 210 теңгені құрады. Салыстыра келсек, 2016 жылдың бірінші тоқсанында ішкі нарыққа жеткізілген мұнайдың бір тоннасына АМӨЗ-де 14 603 теңге, ал ПМХЗ-да 27 563 теңгені құрады.
