• Басты
  • Денсаулық сақтау министрі Маңғыстау облысындағы медицина қауымдастығымен кездесті
29 Қараша, 2013 15:50

Денсаулық сақтау министрі Маңғыстау облысындағы медицина қауымдастығымен кездесті

ҚР Денсаулық сақтау министрі Салидат Қайырбекова Маңғыстау облысының Жаңаөзен мен Ақтау қалаларына жасаған жұмыс сапарында өңірдің медицина қауымдастығымен кездесті. Кездесуде денсаулық сақтау жүйесінің басым мәселелері нақтыланды.
Денсаулық сақтау министрі Маңғыстау облысындағы медицина қауымдастығымен кездесті

Салидат Қайырбекованың айтуынша, қолға алынған шаралардың нәтижесінде Қазақстанда оң нәтижеге қол жеткізілді: халықтың орташа өмір сүру ұзақтығы артып, 70 жастан асқан. 2013 жылдың 9 айында нәресте өлімі 18 пайызға азайып, ана өлімі 24 пайызға төмендеді. БҰҰ сарапшылары аталмыш саладағы статистикалық мәліметтерді растады. Скринингті өткізудің арқасында және жоғары технологиялы қондырғыларды қолданудың нәтижесінде қан айналымы ауруларынан көз жұмғандар саны 8,3 пайызға төмендеді.

Министр жоғары білікті және бәсекеге қабілетті мамандарды дайындау мәселесіне аса мән берді. Бүгінде мемлекет тарапынан сапалы білім алуға барлық жағдай жасалған. Жаңа халықаралық стандарттарға сай келетін білім беру жүйесінің талаптары енгізілген. Оқытушылық-профессорлық құрамның әлеуеті арттырылған. ЖОО мен клиникаларда заманауи қондырғылар орнатылып, тәжірибе орталықтары ашылған.

Соған сай мамандарға деген талап та күшейген. Білім деңгейін, тәжірибедегі жастар мен білікті мамандардың шеберлігін бағалаудың тәуелсіз республикалық орталығы құрылды. Осыған орай министр барлық медицина қызметкерлерінің әрқашан біліктілігін арттыру мен өзін өзі жетілдіруге шақырды.

Кездесу барысында еліміздің бас дәрігері кадр тапшылығы мәселесін шешу жолында қандай шаралар қолға алынып жатқанын айтып берді. Сонымен қатар, жергілікті атқарушы органдарға жұмыспен қамтуды қолға алуды тапсырды. Бұған қоса ауылдық жерлердегі инфрақұрылымды дамыту, жас мамандарға әлеуметтік көмек көрсету, үймен қамту мәселелері де назардан тыс қалмады.

Кездесу соңында министр халықтың денсаулық сақтау саласына қатысты түйіткілді мәселелерге қатысты сұрақтарына жауап берді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды