Х. Шарипов: Өзбек этномәдени орталығы жастармен жұмыс істеуге ерекше назар аударады (БЕЙНЕ)

12 Тамыз, 2016 14:49

Өзбек этномәдени орталығы жастармен жұмыс істеуге ерекше назар аударады, деді Strategy2050.kz. АА берген сұхбатында Астана қаласының Өзбек этномәдени орталығы төрағасының орынбасары Хасан Шарипов.

«Астананың өзбек этномәдени орталығы барлық республикалық және қалалық шараларға белсенді қатысады. Орталықтың құрылымына: басқару, жастар қанаты, қамқоршылар қанаты, шығармашылық ұжымдар кіреді», - деді ол.

Төрағаның орынбасары айтқандай, өзбек этномәдени орталығының негізінде екі ұжым құрылды. Бұл классикалық би ансамблі мен вокал ансамблі.

«Ансамбльдердің қызметі дипломдар мен құрмет грамоталарымен ескерілді. 2014 жылы Халықтардың достық фестивалінде «Инструменттік орындау» номинациясы бойынша бірінші орынға ие болды. 2015 жылы орталық өкілі Сангина Шарипова «Менің Қазақстаным» республикалық фестивалінде жеңіске жетті», - деді Х.Шарипов.

Сондай-ақ, Төраға айтып өткендей, орталық жастармен жұмыс істеуге ерекше назар аударады.

Индира Кауметова