Қазақстанда табиғи газ өндіру көлемі ұлғайды - ҰЭМ
12 Тамыз, 2016 12:53
2016 жылғы қаңтар-шілдеде 2015 жылғы ұқсас кезеңмен салыстырғанда табиғи газ және түсті металл кендерінің өндірісі өсті. Өнеркәсіптік өнімдерінің нақты көлем индексі 98,6% құрады, деп хабарлады ҰЭМ Статистика комитеті.
Тамақ өнімдерінің, фармацевтика, металлургия өнеркәсібі және мұнай өңдеу өнімдерінің өндірісі жоғарылады. Өнеркәсіптік өнімдерінің өндіріс көлемінің өсуі республиканың 10 өңірінде байқалды.
Сонымен бірге, шикі мұнай, көмір және темір кендерінің өндірісі төмендеді. Сусындардың, темекі, химия өнеркәсібі өнімдері және автокөлік құралдарын жасау өнімдерінің өндірісі қысқарды.
