• Басты
  • СҚО-да 2 жыл ішінде 172 хоккей корты пайдалануға берілді
12 Тамыз, 2016 11:28

СҚО-да 2 жыл ішінде 172 хоккей корты пайдалануға берілді

Солтүстiк Қазақстан облысының әкiмi Ерiк Сұлтанов Петропавл қаласындағы жаңа спорт ғимараттарының құрылысының барысымен танысты, деп хабарлады облыс әкімдігі.

СҚО-да 2 жыл ішінде 172 хоккей корты пайдалануға берілді | Strategy2050.kz

Ең алдымен өңiр басшысы бокс мектебi жанындағы көпқызметтi спорт алаңына барды. Нысанды Спорт күнiнде ашу жоспарланған. Қазiр мұнда қорытынды жұмыстар жүргiзiлуде. 20 х 30 метр өлшемдi алаңның ерекшелiгi онда баскетбол, волейбол, шағын футбол ойнауға болады. Спорттың түрiне байланысты мұнда белгi қойылған. Алаңның тағы бiр артықшылығы жарақатты болдырмайтын синтетикалық жабынмен қапталған.

Петропавл қаласының дене шынықтыру мәдениетi және спорт бөлiмiнiң басшысы Валерия Евдокименконың айтуынша, облыста мұндай алаң бұрын соңды болмаған.

«Мұнда жасалған көпқызметтi алаңнан басқа, тағы 8 жаттығу тренажеры орнатылды. Бұл жер қалалықтардың сүйiктi орынына айналады деген ойдамын. Мұнда тiлек бiлдiрушiлердiң барлығы жаттыға алады. Сол үшiн кесте жасалатын болады», — дедi Валерий Васильевич.

Жаңа алаңды сынап үлгерген балалар өңiр басшысына үлкен ризашылықтарын жеткiздi. Өз кезегiнде Ерiк Хамзаұлы жастарға спортты рух пен табыс тiледi.

«Екi жыл iшiнде облыс бойынша 172 хоккей қорабы пайдалануға берiлсе, олардың 13-i Петропавл қаласында орналасқан және 3-i жабық түрде жасалған. Сонымен қатар 200 шағын футбол алаңдары бар. Бұлардың барлығы сендер үшiн, сендер спортпен белсендi түрде айналысуларың үшiн жасалып отыр», — деп атап өттi Ерiк Сұлтанов.

Ал белсендi жастар үшiн ескi саябақта спорттың экстремалды түрiмен айналысуға арналған алаң орнатылды. Бұрын веломотокросс, скейт сияқты спортпен айналысатын жастарға мұндай орын болмаған едi. Өз мәселелерiн олар тiкелей өңiр басшысына айтқан болатын. Бiрнеше апта өткен соң саябақта 2 квотер мен 2 фанбокс орнатылды.

Ерiк Сұлтанов өңiрдiң велошабандоздары халықаралық жарыстарда өте жоғары көрсеткiштер көрсетiп жүргенiн, сондықтан бұл спортты және оның түрлерiн дамытуға қашан да үлкен көңiл бөлiнетiнiн айтты.

Айта кету керек, бүгiнде ВМХ спорт түрi ретiнде Петропавл қаласында белсендi дамып келедi. Қала бойынша 30-дан астам райдерлер бар.

Бүгiнде Мәдениет және демалыс саябағы жанындағы далалық жаттығу тренажерлары алаңында жаңғырту жұмыстары жүргiзiлуде. Бұл жер жарақатты болдырмайтын жабынмен қапталуда.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды