ҚР Қарулы Күштерінің әскери қызметшілері Ресейдегі «Өзара іс-қимыл – 2016» оқу-жаттығуына қатысады

11 Тамыз, 2016 20:43

Қазақстанның әскери қызметшілері Ресей Федерациясы Псков облысы Струги Красные қаласындағы ҰҚШҰ-ның жедел ден қою ұжымдық күштерінің «Өзара іс-қимыл» бірлескен оқу-жаттығуына қатысады, деп хабарлады Қорғаныс министрлігінің баспасөз қызметі.

Оқу-жаттығуға Армения Республикасы, Беларусь Республикасы, Қазақстан Республикасы, Қырғыз Республикасы, Ресей Федерациясы және Тәжікстан Республикасы Қарулы Күштерінің контингенттері қатысады.

Оқу-жаттығудың тақырыбы ұжымдық қауіпсіздік өңірінде шекара маңындағы қарулы жанжалдарды шешу жағдайларында ҰҚШҰ ҰЖДК-ның контингенттерін қолдану болып табылады.

«Өзара іс-қимыл – 2016» оқу-жаттығуы шеңберінде жауынгерлік іс-қимылдарға дайындалу және оны жүргізу барысында ҰҚШҰ ҰЖДК құрамалары мен әскери бөлімдерінің командирлері және штабтарына жұмыс практикасы берілетін болады. ҰҚШҰ ҰЖДК-ның «Өзара іс-қимыл» оқу-жаттығуы екі жылда бір рет өтетінін айта кетейік. Алдыңғысы 2014 жылы Қазақстанның Қарағанды облысындағы «Спасск» полигонында өткізілді. Бұл оқу-жаттығуларда алғаш рет далалық жағдайда ҰҚШҰ Біріккен штабы мен ТМД Хатшылығының қатысуымен ҰҚШҰ ҰЖДК-ның қолбасшылығы толық құрамда өрістетілді.

Барлық жаңалықтар