Қазақстанда «Болашақ» бағдарламасы бойынша құжаттарды қабылдау жалғасуда

11 Тамыз, 2016 11:08

Қазақстан Республикасы Білім және ғылым министрінің 2016 жылғы 10 ақпандағы № 141 бұйрығына сәйкес2016 жылғы 15 тамыз бен 30 қыркүйек аралығында «Болашақ» халықаралық стипендиясын тағайындау конкурсына қатысу үшін құжаттарды қабылдаудың үшінші кезеңі өткізіледі, деп хабарлады «Халықаралық бағдарламалар орталығы» АҚ.

Құжаттарды қабылдаудың екінші (жазғы) кезеңі 2016 жылғы 13 маусым мен 29 шілде аралығында өткізілді. Көрсетілген кезеңде қабылданған істердің жалпы саны – 411, оның ішінде «Халықаралық бағдарламалар орталығы» АҚ-да – 220, «Азаматтарға арналған үкімет» мемлекеттік корпорациясы арқылы – 85, «электрондық үкімет» порталы арқылы – 106 іс. Сонымен қатар, академиялық оқуға 225, тағылымдамаға 186 үміткер тіркелген.

Стипендия «Магистратура», «Докторантура», «Резидентура» және «Тағылымдама» бағдарламалары бойынша тағайындалады. Құжаттарды Астана қ., Орынбор көш., 4-үй, «Алтын орда» бизнес орталығы мекенжайы бойынша, сонымен қатар «Азаматтарға арналған үкімет» мемлекеттік корпорациясы және «электронды үкімет» порталы арқылы тапсыруға болатындығын ескертеміз.

Барлық жаңалықтар