Барлық ауыл шаруашылығы алаңының көп бөлігін бидай алып жатыр

10 Тамыз, 2016 17:34

Бүгін Үкімет отырысында ҚР Ауыл шаруашылығы бірінші вице-министрі Қ.Қ.Айтуғанов ауыл шаруашылығы дақылдарының егіс алқаптары жағдайын баяндады.

«2016 жылы барлық ауыл шаруашылығы дақылдарының егіс алаңы 21,7 млн. гектарды құрады, оның ішінде дәнді дақылдар – 15,2 млн. гектарды, бидай – 12,2 млн. гектарды құрайды. Майлы дақылдар 1,9 млн. гектар, жемшөптік дақылдар – 4,0 млн. гектар, мақта – 109,3 мың гектар, қант қызылшасы – 12,1 мың гектар, картоп пен көкөніс бақша дақылдары – тиісінше 183,7 және 230,0 мың гектар алқапта орналастырылды», - деді ол.

«Бұл ретте, 2015 жылмен салыстырғанда бидайдың алаңы 441,4 мың гектарға, дәнді-бұршақты дақылдар алаңы 26,3 мың гектарға, мақта алаңы 10,1 мың гектарға, қант қызылшасы 2,7 мың гектарға ұлғайды», - деп атап өтті Қ.Айтуғанов.

Сондай-ақ, министрлік өкілі жемшөптік дақылдар алаңының өткен жылмен салыстырғанда 254,4 мың гектарға артқанын атады.

Айта кетейік, аталған жиын «Егін жинау жұмыстарына дайындық барысы туралы» тақырыбымен өтті.