БАӘ Қазақстанның халықаралық аренадағы беделінің жоғары деңгейін атап өтті

10 Тамыз, 2016 09:24

Біріккен Араб Әмірлігіндегі Қазақстанның елшісі Қайрат Лама Шариф «ЭКСПО-2017» көрмесіндегі Әмірліктің ұлттық павильонының Бас комиссары Салем аль-Америмен елдің «ЭКСПО-2017» халықаралық мамандандырылған көрмесіне қатысуы туралы мәселесін талқылауға кездесті.

ҚР сыртқы істер министрлігінде хабарлағандай, әңгіме барысында Елші әңгімелесушісіне «ЭКСПО-2017» көрмесіне дайындықтың соңғы оқиғаларын таныстырды.

Көбінесе, К. Лама Шариф маусым айында көрмеге билеттің онлайн-сатылымы басталғандығын және оны барлығы қолдана алатындығын айтып өтті. Сонымен қатар, ол әңгімелесушіні және Dubai World EXPO-2020» Жоғары комитет өкілдерін Астана қаласында ағымдағы жылы 14-15 қыркүйек айында өтетін «Болашақтың энергеясы» атты Халықаралық форумға қатысуға шақырды. Форумды «Астана ЭКСПО-2017» және «Назарбаев Университет» ұйымдастырды.

Өз кезегінде Салем аль-Амери шақырғанға алғысын білдірді және Әмірлік «ЭКСПО-2017» көрмесіне мүдделі екендігін айтты. Бұл мәнмәтінде «Dubai World EXPO-2020» Жоғары комитет пен «Астана ЭКСПО-2017» ҰК» АҚ арасындағы ынтымақтастықты айтып өткен жөн. Аталмыш ұйымдардың төрағалары арасында жиі кездесулер өтіп тұрады, БАӘ «ЭКСПО-2017» халықаралық қатысушылардың бірінші және екінші жиналысына қатысты.

Сонымен қатар, екі мемлекет арасындағы альтернативті энергетика саласындағы ынтымақтастықтың дамуы айтылып өтті. Салем аль-Амери қазіргі күні «Болашақтың энергиясы» 10-шы Саммиттің мерейтойын 2017 жылдың қаңтар айында Әбу-Даби қаласында өткізуге дайындалып жатқандығын айтты. Осыған орай, Қазақстан «ЭКСПО-2017» тақырыбын ескере отырып, саммитке белсенді қатысатындығына сенім білдірді.

Кездесу барысында Халықаралық агенттікпен «IRENA» жаңартылатын энергия бойынша ынтымақтастық мәселесі талқыланды.

Сонымен қатар, тараптар «ЭКСПО-2017» көрмесінде БАӘ Ұлттық күнін ұйымдастыру бойынша жұмысты үйлестіру қажеттілігін айтып өтті және ол көрменің атаулы оқиғасының бірі болмақ.

Кездесу қорытындысында Салем аль-Амери тағы да Қазақстанның халықаралық аренадағы беделінің жоғары деңгейін атап өтті.