• Басты
  • ОҚО-да «Нұрлы жол» бағдарламасы бойынша мыңнан астам пәтер құрылысы жүргізіледі
10 Тамыз, 2016 10:07

ОҚО-да «Нұрлы жол» бағдарламасы бойынша мыңнан астам пәтер құрылысы жүргізіледі

«Нұрлы жол» бағдарламасының аясында 2015-2019 жылдары Оңтүстік Қазақстан облысында мыңнан астам пәтер құрылысы жүргізілетін болады, деп Шымкент қаласының әкімдігінде хабарлайды.
ОҚО-да «Нұрлы жол» бағдарламасы бойынша мыңнан астам пәтер құрылысы жүргізіледі | Strategy2050.kz

Бұл жөнінде облыс әкімдігі мен «Қазақстанның тұрғын үй құрылыс банкі» арасындағы өзара әріптестік жөніндегі меморандум барысында атап көрсетілді. Маңызды құжатқа облыс әкімі Б. Атамқұлов және «Қазақстанның тұрғын үй құрылыс банкі» АҚ басқармасының төрағасы А. Жұмағұлов қол қойды. 

 Айта кетейік, өңірдегі тұрғын үй құрылысын жүргізуге Ұлттық банк қазынасынан 4,4 миллиард теңге қаржы бөлінген. Бұл қаражатқа 558 пәтерлі 11 тұрғын үйдің құрылысын салу көзделген. Бұдан бөлек, «Бәйтерек Девелопмент» компаниясы 432 пәтерлі 6 көпқабатты тұрғын үй құрылысын қолға алмақ.

Екіжақты іскерлік кездесу барысында «Қазақстанның тұрғын үй құрылыс банкі» АҚ өкілдері Shymkent-city құрылысының жобасына қызығушылық танытты. Бүгінде қаланың солтүстік аумағындағы келешектегі іскерлік және тұрғын үй орталығында инженерлік-коммуникациялық жүйелер жүргізілуде. «Қазақстанның тұрғын үй құрылыс банкі» АҚ басқармасы төрағасының айтуынша, мұндағы жасалған оңтайлы жағдайлар «Өз үйім» бағдарламасы аясында тұрғын үй құрылысын жүргізуге қолайлы мүмкіндік береді. Бұл бағытта Шымкент қаласы әкімдігімен және қаржы институттарымен меморандумға қол қойылған.

Өз кезегінде, облыс әкімі Б. Атамқұлов басқарма басшылығына жобаға көрсеткен лайықты қолдауы үшін шынайы алғыс сезімін жеткізді. Сондай-ақ, келешекте Shymkent-city – ыңғайлы тұрмыс пен сәулет өнерінің озық үлгілерін паш еткен орталық ретінде қалыптасатынын, онда тұрғындар өздерін қауіпсіз әрі бақытты сезіне алатынына кәміл сенімді екенін айтты.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды