ЭКСПО-2017 көрмесі Қазақстан мен Тайланд арасындағы қарым-қатынасқа қосымша динамика береді – ҚР СІМ

9 Тамыз, 2016 17:16

«ЭКСПО-2017» Комиссары Рапиль ЖошыбаевТаиланд Патшалығына келді. Оның аясында Энергетика министрлігінің тұрақты хатшысы-ЭКСПО-2017 көрмесіндегі Тайландың ұлттық секция комиссары Ареепонг Бхоочаоомен, БҰҰ Бас хатшылығының орынбасары – ЭСКАТО атқарушы хатшысы Шамшад Ахтармен, іскерлік топпен және елдердің жетекші БАҚ өкілдерімен кездесті.

Қазақстанның сыртқы саясат ведомствосында хабарлағандай, Энергетика министрлігінде әңгіме барысында тараптар қазақстандық-тайландық екіжақты экономикалық және энергетикалық ынтымақтастық мәселелерін талқылады, сонымен қатар, Тайландың ЭКСПО-2017 көрмесіне қатысу мәселесін.

Өз кезегінде, Тайландың ұлттық Комиссары А. Бхоочаоом Тайландың қатысатындығын растады және елдің «жасыл» энергетика саласында үздік әзірлемелерін көрсететіндігін айтты.

Тараптар 25 жылдықта Қазақстан мен Тайланд арасындағы дипломатиялық қарым-қатынасқа ЭКСПО көрмесінің алаңы екіжақты қарым-қатынасқа қосымша динамика беретіндігін айтып өтті.

Кездесу қорытындысы бойынша әңгімелесушілер ағымдағы жылдың 19 тамыз айында Комиссар А. Бхоочаоом Астана қаласына Тайландың көрмеге қатысуы туралы Келісімшартқа қол қоюға келетіндігін келісті.

Тайланд «ЭКСПО-2017» халықаралық мамандандырылған көрмесіне қатысатындығын ресми түрде мәлімдеген 96-шы мемлекет болды. Жалпылап алғанда, Тайланд павильонының алаңы шамамен – 734 шаршы метр. Патшалық соңғы үш жылда ЭКСПО-ның барлық көрмесіне қатысуда.

Тайландық энергетикалық және туристік компаниялар басшыларымен кездесу барысында тайландық туроператорлармен ынтымақтастықты кеңейту, сонымен қатар, жергілікті туристерді көрмеге тарту мәселелрі қарастырылды.

Барлық жаңалықтар