ШҚО-да жыл соңында Индустрияландыру картасы бойынша 7 жоба іске қосылады
9 Тамыз, 2016 08:42
Ағымдағы жылы Шығыс Қазақстанда 5,5 млрд теңгенің 7 жобасын енгізу жоспарланған және оның аясында 435-тен астам тұрақты жұмыс орны құрылады, деп ШҚО Ақпарат орталығы хабарлайды.
Шығыс Қазақстанда Индустрияландыру картасы бойынша жалпы инвестициясы 891,3 млрд теңгенің 76 жобасы іске асады. Қазіргі күні 236 слрд теңгенің 48 жобасы пайдалануға берілді, сонымен қатар, 7000 жұмыс орны құрылды.
Жаңа өндірісті ашу бойынша екі жоба республикалық Индустрияландыру картасына кіреді. Бұл – толық циклды автозауыт, жылына қуаттылығы 120 мың автокөлік және автокешендерді өндіру бойынша технопаркі және Ақтоғай ГОК құрылысының аяқталуы.
