Ақтөбе облысында 169 шақырымнан астам автожол құрылыс және жөндеу жұмыстарымен қамтылған

2003-2015 жылдар ішінде Ақтөбе облысында халықаралық және республикалық маңызы бар 1894 шақырым автожолдың 1053 шақырымына жөндеу жұмысы жүргізілді. Алдағы жылдары Мемлекет басшысының «Нұрлы жол – болашаққа бастар жол» атты Жолдауындағы тапсырмаларын іске асыруға бағытталатын болады.  

Осылайша, аталмыш мембағдарламаның аясында «Ақтөбе-Атырау» республикалық маңызы бар автомобиль жолдарының Байғаным ауданындағы 220-236 шақырым учаскілеріне жөндеу жұмыстары жасалуда. Құрылыс-монтаж жұмыстарының жалпы құны 3 602,5 млн теңге болуына қарай, 2016 жылы 1 200,0 млн теңге ақша бөлінді және бұл сомаға 5 шақырым автожолға қайта жөндеу жұмыстарын жасау жоспарланған.

Сонымен қатар, ақпарат бойынша, «Самара-Шымкеттің» 800-910 шақырым автожолдарындағы учаскілеріне орташа жөндеу бойынша жұмыстар жасалуда. Бұл мақсат үшін 2016 жылы 748,8 млн теңге қаражат қарастырылған.

Жалпы алғанда, бүгінгі құны құрылыс  және жөндеу жұмыстарымен 169,9 шақырым автожол, 4 көпір, 1 су жіберу құбыры қамтылған.