Елордада қауіпсіздік жөніндегі ІІ Жазғы мектеп ашылды

«Жазғы мектепті екінші рет өткізіп жатырмыз, бұл жаңа жоба, біз оны өткен жылы іске қостық – қарастырдық, зерттедік және биыл жалғастыруға бел байладық. Байқау жарияладық, 100-ден астам түрлі өтініштер келіп түсті, алайда, ұзақ уақыт таңдаудан кейін, тек 20 қатысушыны ғана таңдадық. Бұл біздің жас әріптестеріміз және олар өткенде ғана магистратураны бітіріп, қазіргі күні түрлі ұйымдарда жұмыс жасап жүрген мамандар»,-деді ҚСЗИ директоры Ерлан Қарин.

Жазғы мектеп 8-12 тамыз аралығында өтеді. Мектеп аясында қатысушалар әйгілі қазақстандық сарапшылармен, меморганның өкілдерімен, сонымен қатар қауіпсіздік саласындағы шетелдің сарапшыларымен пікірталасқа түсетін болады.

«Көптеген ұйымдарда, шетелдік қорларда жазғы мектеп өткізудің тәжірибесі бар. Біздің жазғы мектебіміз кішкене өзгешеленеді. Біріншіден,  тақырыбы жағынан – жыл сайын біз қауіпсіздік жөнінде өткіземіз,  өйткені ҚСЗИ аймақтық және ұлттық қауіпсіздікке мамандандырылған. Екінші жағынан, басқа да меморгандарға өз көріністерін көрсетуге мүмкіндік беру, сараптамалық қоғамдастық пен мемлекеттік органдар арасында екіжақты коммуникацияны орнатуға мүмкіндік беру»,-деді Е.Карин.

Е.Кариннің айтуы бойынша, жазғы мектеп қатысушыларға академиялық білімдерін тереңдетуге және түрлі саяси және қауіпсіздік мәселесі бойынша жаңа ақпарат алуға, сонымен қатар тәжірибелік байланысты кеңейтуге сепкі болады.

«Жазғы мектеп – аға буынды сарапшылар арасында байланыс орнатудың мүмкіндігі»,-деді ол.

Кариннің айтып өткеніндей, келесі жылы жазғы мектеп бұдан да кең ауқымда өтетін болады, биыл көрші елдердегі әріптестерді шақырту жоспарланған. Олар: Қырғызстан, Тәжікстан және Өзбекстан.