Алматыда отандық материалдан жасалған жиһаз шығарылады
6 Тамыз, 2016 14:36
Алматы қаласында Кәсіпкерлікті қолдау картасы аясында «Аль-Бакара» ЖШС жұмсақ және корпусты жиһаз шығаратын зауыты іске қосылады, деп қала әкімдігінде хабарлайды.
Аталмыш жоба Өңірлік үйлестіру кеңесінің картасына қосу үшін мақұлданды. Жаңғыртылған нысанды 2017 жылдың соңында ашу жоспарланған. Зауыттың өндірістік қуатылығы шамамен жылына 5000 бұйым шығаруға мүмкіндік береді.
Ақпарат бойынша, жиһаз өндіруде отандық материалдар қолданылады.
Сонымен қатар, Өңірлік үйлестіру кеңесінің отырысында Алматы қ. Кәсіпкерлерді қолдау картасына «Алматинский завод автоприцепов» ЖШС мен «Нурсапа Бетон» ЖШС кіргізілді.
Осылайша, Картаға енген жобалардың жалпы саны 173,4 млрд теңге болатын 73 жоба кіреді және олар 11 000 жұмыс орнын құрады.
Айта кететйік, бірінші бесжылдықпен салыстырғанда, жобалардың саны 3 есеге артты, ал құрылған жұмыс орындарының саны – 3,5 есеге. 60 пайыздан астам жоба өз қаражаттарына іске асуда.
