К. Мәсімов Степногордағы машина жасау саласының технологиясымен танысты
5 Тамыз, 2016 12:31
Ақмола облысына жұмыс сапары барысында Премьер-Министр Степногордағы подшипник өндіретін зауытта болды, деп хабарлады Премьер-Министрдің ресми сайты.
Кәсіпорында теміржол көлігіне арналған подшипниктер шығарылады. Атап айтқанда, зауытта бүкіл ТМД аймағындағы теміржол жылжымалы құрамында пайдаланылатын роликті радиустық подшипниктер өндіріледі.
Өткен жылы зауытта 10,3 мың тонна подшипник шығарылған. 2016 жылғы алғашқы жартыжылдық қорытындысы бойынша 5,8 тонна құрамдас бөліктер өндірілген.
2015 жылдың соңында құны 469 млн теңгені құрайтын «ЕПК-Мәскеу» ААҚ өндірісінің сфералық подшипниктер номенклатурасын «СПЗ» АҚ-на аудару» инвестициялық жобасының жүзеге асырылуы аяқталды. Инвестициялық жоба Ақмола облысындағы Кәсіпкерлікті қолдау картасына енгізілген.
Машинажасау саласын дамытуда 2015-2019 жылдарға арналған Мемлекеттік индустриалдық-инновациялық даму бағдарламасына ерекше мән беріледі.
