Сенатор А. Бижанов алматылықтарға Ұлт жоспары «100 нақты қадамды» түсіндірді

5 Тамыз, 2016 13:37

1–4 тамыз аралығында Алматы қаласында жұмыс сапарымен жүрген Қазақстан Республикасы Парламенті Сенаты Әлеуметтік-мәдени даму және ғылым комитетінің Төрағасы Ақан Бижанов «Казлегпром-Алматы» ЖШС, «Центркредит Банкі» АҚ, «Global Building Contract» ЖШС, «Алматы электр станциялары» АҚ, «Атрикс-Строй» ЖШС, «ALACARDPetroltech» ЖШС және «Ерке-Нұр» ЖШС ұжымдарымен кездесті.

Сенат хабарлағандай, жүздесу барысында Мемлекет басшысының бес институционалды реформасын аясындағы «100 нақты қадам» Ұлт жоспарын жүзеге асыру жөніндегі Парламенттің заң шығару жұмысы туралы таныстырылды. А. Бижанов агроөнеркәсіп кешені, білім беру, ғылым, медицина салаларында өзекті мәселелері туралы ойларын ортаға салды.

Депутат жиналған тұрғындарды «Халықты жұмыспен қамту туралы», «Баланың құқықтарын қорғау мәселелері бойынша» және «Ғылыми-техникалық қызмет нәтижелерін коммерцияландыру мәселелері бойынша» заңдардың мазмұнымен таныстырды.

Жиындарда Алматы қаласының болашақ құрылыс жоспары талқыланды. Алып шаһардың «2020 жылға дейінгі даму жоспары» аясында жасалып жатқан жұмыстар айтылды. Сенатор А. Бижанов жиналғандар қойған бірнеше сұрақтарға жан-жақты жауап берді.

Барлық жаңалықтар