• Басты
  • ШЫҰ «ЭКСПО-2017» көрмесіне қатысуға мүдделі – ҚР СІМ
5 Тамыз, 2016 18:14

ШЫҰ «ЭКСПО-2017» көрмесіне қатысуға мүдделі – ҚР СІМ

Пекинде Қытай Халық Республикасындағы Қазақстан Республикасының елшісі Шахрат Нұрышевтың Шанхай ынтымақтастық ұйымының бас хатшысы Рашид Әлімовпен кездесуі өтті.
ШЫҰ «ЭКСПО-2017» көрмесіне қатысуға мүдделі – ҚР СІМ

ҚР СІМ ақпараты бойынша, кездесу аясында Елші ШЫҰ-ға «ЭКСПО-2017» халықаралық мамандандырылған көрмеге қатысуға шақыру-хатын табыстады. Өз кезегінде Бас хатшы ШЫҰ-ның ЭКСПО-2017-ге қатысуға мүдделіліктерін білдірді.

Р. Әлімовтың хабарлауынша, Ұйымнан «ЭКСПО-2017» көрмесіне Комиссар болып ШЫҰ Бас хатшысының орынбасары Сабыр Имандосов сайланатын болады және ол ШЫҰ-ның қатысуымен байланысты барлық ұйымдастырушылық мәселелермен айналысатын болады.

Сонымен қатар, ҚР Елшілігі мен ҚХР және ШЫҰ Хатшылығының бірлескен іс-шаралар Жоспарына қол қойылды. Жоспар Қытайдағы Қазақстанның Елшілігі мен ШЫҰ хатшылығының бастамасы бойынша дайындалған және Ұйым аясында алғаш рет қабылданды.

Ерекше назар ШЫҰ-ның 15 жылдығына арналған сайд-ивенттің өтуіне бөлінді. Ол 2017 жылдың соңында БҰҰ Бас Ассамблеясының 71-ші сессиясының алаңында өтеді.

Естерінізге сала кетейік, Қазақстан ШЫҰ-ның төрағалық елі болып табылады.

Барлық жаңалықтар