2020 жылға қарай Қазақстан ең қолайлы логистикалық климатқа ие 40 елдің қатарына енуді жоспарлауда

4 Тамыз, 2016 17:51

«Қазақстан Темір жолы» ҰК» АҚ 2020 жылға қарай Қазақстан логистикалық климаты ең қолайлы 40 елдің қатарына ену бойынша тапсырманы алдыға қойып отыр, яғни, төрт жыл ішінде 77 – ші орыннан 40 орынға дейін көтерілу. Бұл туралы «Қазақстан темір жолы» ҰК» АҚ басшысы Асқар Мамин Көлік қызметкерлері күніне орай салтанатты жиналыс барысында мәлім етті.

«Физикалық кедергілерді жою жөніндегі кешенді жұмыстар, сапалы көліктік-логистикалық инфрақұрылымды құру және икемді тарифтік саясатты жүзеге асыру, бәсекеге қабілетті көлік-логистикалық қызмет көрсетулер санын кеңейту, нарық қатысушыларымен серіктестік қарым-қатынасты нығайту көліктік қызметті жақсартуға сепкі болады және Қазақстанның халықаралық логистикалық рейтингісінде позициясын 160 елдің ішінде 88 орыннан 77 орынға көтеруге түрткі болады. Бұл ТМД елдер арасында үздік көрсеткіш. Біз өзіміздің алдымызда мақсат қойдық, 2020 жылға қарай Қазақстан ең қолайлы логистикалық климатқа ие 40 елдің қатарына енуі тиіс»,-деді ол.

Сонымен қатар, Компания басшысы, компанияның магистральді темір жол желісінің өткізу қабілетін кеңейтіп жатқандығын, автомобильді жол желілерін жетілдіріп жатқандығын,Тынық мұхиты жағалауынан Парсы шығанағы мен Балтыққа дейін қажетті материалдық-техникалық инфрақұрылымның трансқұрлықтық бағыттарын жасап жатқандығын айтып өтті. Сонымен қатар, Қазақстанның теңіз флотын өсіруде.

«Инфрақұрылымдық жобаларды іске асыру және олардың толық қуатта іске қосылуы Қазақстанның экономикасына жаңа мүмкіндіктер ашады. Осылайша, алғашқы 22 айда пайдалануға берілген Жезқазған-Бейнеу және Арқалық-Шұбаркөл жаңа темір жол желілері бойынша 15,7 млн тонна жүк өтті»,-деді ол.

Индира Қауметова

Барлық жаңалықтар