• Басты
  • Олег Рофман: «Болашақ» менің арманымды орындауға мүмкіндік берді
29 Қараша, 2013 11:15

Олег Рофман: «Болашақ» менің арманымды орындауға мүмкіндік берді

ҚР Президентінің «Болашақ» халықаралық стипендиясының түлектері мен келешек иегерлерінің әрқайсысының өзіндік орны бар, дейді бағдарлама түлегі, ҚР Ядролық физика ұлттық ядро орталығының аға ғылыми қызметкері Олег Рофман «strategy2050.kz» порталына берген сұхбатында.
Олег Рофман: «Болашақ» менің арманымды орындауға мүмкіндік берді

- «Болашақ» бағдараламасының сіз үшін маңызы қандай?

- Бұл бағдарлама менің өмірімде үлкен мәнге ие. Сегіз жыл бұрын ол менің арманымның жүзеге асуына мүмкіндік беріп, Ұлыбританияда докторлық дәреже бойынша білім алуға жағдай жасады. Кейін де менің өмірімдегі  өзгерістерге себепкер болды.

- Байқауға қатысуыңызға не түрткі болды?

- Себеп бірнешеу болды. Мен шетелдің оқу орындарына өз күшімен түскен санаулы ғана адамдардың бірімін. Іріктеу байқауынан кейін бағдарлама менің шығындарымды төлейтін болды. Оның ішінде оқу ақысы мен жатақхана және айлық стипендия. Сонымен қатар, мен сол кездердің өзінде ғылымға құштар болғандықтан, сол жақтың түрлі ғылыми орталықтары жұмысына араластым. Бұл да аталмыш бағдарламаның қолдауымен іске асырылды.

- Оқу барысында қандай да бір қиындықпен ұшырасқан кездеріңіз болды ма?

- Ғылыммен айналысқан үш жылдың ішінде менде қандай да бір үлкен қиындықтар болды деп айта алмаймын. Алғашқы кездері талаптардан шыға білу, ғылыми жұмыстарды жоспарлау істері, жаңа ортамен араласу, қондырғыларды игеру қиындық тудырмай қоймады. Мұны мен өзімді шыңдау арқылы жеңе білдім. Айта кетерлігі менің ғылыми жетекшім ол жақтағы ең беделді ғалымдардың бірі болды. Ол маған ғылыми орталықтарда барынша мол білім алуға көп көмек берді. өзінің тәжірибесін ұсынды. Ақырында оқу соңына қарай халықаралық конференцияларға қатысып, басылымдарға жұмысымды жариялай бастадым.

- Оқуды аяқтағаннан кейін жұмысқа орналасу жағы қалай болды?

- 2008 жылы оқуды аяқтағаннан кейін жарты жылдай «АрселорМиттал Теміртау» АҚ-да, жаңа өнімдерді өндіріске енгізуге мамандандырылған техникалық орталықта жұмыс істедім. Кейін Өскеменге барып Аманжолов атындағы ШҚМУ-де сабақ бердім және ұлттық ғылыми лабароторияда еңбек еттім. Соңғы үш жылда Радиациялық материалтану ядролық физика институтының лабораториясында жұмыс істеп жүрмін. Ғылыми зерттеулермен қатар осы жылдар аралығында «НАТР» АҚ, «НЦГНТО» АҚ-мен бірігіп республиканың ұзақ мерзімді ғылыми-техникалық жобалауды дамыту жобаларын іске асыруға белсенді араласып келемін.

- Кейінгі болашақтықтарға қандай тілегіңіз бар?

- Менің ойымша, аталмыш бағдарламаның кез келген түлегі және иегерінің өзіндік орны бар. Тілегім – жастар ешқашан да үлкен мақсат қоюдан жүрексінбеулері керек.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды