Алматының кәсіпкерлерді қолдау картасына тағы 30 жоба қосылады
4 Тамыз, 2016 15:36
Алматыда 2016 жылдың соңына дейін екінші бесжылдықтың Кәсіпкерлерді қолдау картасына кірген жобалардың санын 100-ге жеткізеді, деп қала әкімдігінде хабарлайды.
Әкімдіктің мәліметінше, бүгінгі күні Картаға 11 000 жұмыс орнын құратын 172,7 млрд теңгенің 70 жобасы кірді. Қосымша кіргізілген жобалар алматылықтарды жұмыс орнымен қаматамасыз етуге көмектеседі , сонымен қатар, қала бюджетіне салық аударымдарын ұлғайтады.
«Алматы қаласы Кәсіпкерлік және индустриалды-инновациялық даму басқармасы жер мәселесі бойынша, құрылысты заңдастыру, сонымен қатар, қаланың электр-су желілерін қосу бойынша рәсімдерін жеделдету жәрдемдеседі»,-деп хабарламада айтылған.
Айта кетейік, Кәсіпкерлерді қолдау картасы аясында екінші бесжылдықта 21,2 млрд теңгенің 14 жобасы іске қосылды және 1 787 жұмыс орны құрылады.
