Жаңа оқулықтар ел тарихының айқын бейнесін жасайды
30 Тамыз, 2013 00:00
Білім және ғылым министрлігі Қазақстан тарихы бойынша екі жаңа оқулық дайындайды, деп хабарлайды «2050 Стратегиясы» ресми сайты.
«Бір оқулық ежелгі дәуірден бүгінгі күнге дейінгі кезеңді қамтиды, екінші оқулық осы замандағы ұлттық тарихты бейнелеуге арналады», – деп хабарлады ведомствоның жауапты хатшысы А.Ғалымова.
Жаңа басылымдарда тұтастай Орталық Азия аймағының дамуына ерекше назар аударылады. «Мәдени мұра» және «Ғылыми қазына» мемлекеттік бағдарламаларының аясында деректер базасы қалыптастырылған. Олардың негізінде, сондай-ақ, әлемдік ғылыми қорларды пайдаланып, еліміз тарихының әділетті бейнесін жаңадан жасау қолға алынбақ.
