Ақмола облысында 2 жаңа ауылдық мектеп ашылады (ФОТО)
3 Тамыз, 2016 20:43
Ақмола облысының Тайтөбе ауылында және 96 разъезд ауылында 300 орынға арналған 2 мектеп құрылуда. Аймақ әкімдігінде хабарлағандай, білім мекемесін пайдалануға 2013 жылы беру жоспарланған болатын. Алайда, мекеменің құрылысы жосықсыз мердігердің кесірінен ұзаққа созылды және сот тексерісінен кейін биыл оның құрылысын аяқтау жоспарланған.
96 разъезд ауылында құрылып жатқан мектепке 547,9 млн теңге берілген. Мердігерлер ұйымының бас директоры Нұртай Хабдулиннің айтуынша, нысанды ағымдағы жылдың қыркүйек айында пайдалануға беру жоспарланған.
Тайтөбе ауылындағы екінші мектептің құрылысы аяқталу үстінде. Оның құны 727,1 млн теңге. Қазіргі күні мектептің ішіне жөндеу жұмыстары жасалуда. Мердігерлер ұйымының бас директоры Жанат Асқаровтың айтуынша, 20 күн ішінде құрылысты аяқтау жоспарланған.
Аймақ басшысы Сергей Кулагин білім мекемесінің құрылысымен танысты және мердігерлерге бекітілген уақытта жұмысты аяқтауға тапсырма берді.
