ЖҚЖК: Биыл Атырау облысында «ЖҚЖК 2020» бағдарламасы шеңберінде 35 әлеуметтік нысан жөнделеді

3 Тамыз, 2016 15:18

2016 жылы Атырау облысында «Жұмыспен қамтудың 2020 жол картасы» бағдарламасының жұмыспен қамтуды, инфрақұрылымды және тұрмыстық-коммуналдық шаруашылықты дамыту арқылы қарастыратын бірінші бағытын іске асыруға республикалық бюджеттен 4,8 млрд. теңге бөлінді, деп хабарлады Денсаулық сақтау және әлеуметтік даму министрлігі.

Осы қаражат есебінен 35 инфрақұрылымдық нысанды іске асыру жоспарлануда, оның 29-да күрделі жөндеу, 6-да ағымдағы жөндеу жұмыстары жүргізіледі.

Жөнделетін ғимараттардың 31 – білім беру, 1 – әлеуметтік қорғау, 3 - мәдениет нысаны болып табылады.

Инфрақұрылымдық жобалардың іске асырылуы 613 жұмыс орнын құруға мүмкіндік береді, оның ішінде 316 адам жұмыспен қамту орталықтары арқылы орналастырылады.

Бүгінгі күні 30 жобаның іске асырылуы басталды, оның шеңберінде 364 адам жұмысқа тұрды, олардың ішіндегі 204 адам - «ЖҚЖК 2020» бағдарламасына қатысушылар.

2015 жылы «ЖҚЖК 2020» бағдарламасының бірінші бағытын іске асыруға 13,7 млрд. теңге бөлінгенін, жалпы республика бойынша 588 инфрақұрылымдық жобалар жүзеге асырылып, 8,6 мың адам жұмысқа орналастырылғанын естеріңізге саламыз. 2016 жылы «ЖҚЖК 2020» бағдарламасының бірінші бағытын іске асыруға 80,1 млрд. теңге бөлінді. Бұл қаражат жобалардың саны ескеріле отырып, жергілікті атқарушы органдардың тапсырыстары негізінде өңірлер арасында бөлінеді.

Барлық жаңалықтар