• Басты
  • Қазақстанда 2016 жылғы шілдеде күнкөрістің ең төменгі деңгейі 15%-ға өсті
3 Тамыз, 2016 13:42

Қазақстанда 2016 жылғы шілдеде күнкөрістің ең төменгі деңгейі 15%-ға өсті

Қазақстанда 2016 жылғы шілдеде күнкөрістің ең төменгі деңгейі 15%-ға өсті және 22 137 теңгені құрады, деп ҚР ҰЭМ Статистика комитеті хабарлайды.
Қазақстанда 2016 жылғы шілдеде күнкөрістің ең төменгі деңгейі 15%-ға өсті

Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2016 жылғы шілде өткен аймен салыстырғанда 0,2%-ға төмендеді, 2015 жылғы шілдемен – 15,3%-ға жоғарылады.

Комитеттің хабарлауынша, Оның құрылымында ет пен балықты сатып алуға жұмсалған шығыстардың үлесі 19,7%, сүт, май және тоң май өнімдері мен жұмыртқаны – 15,9%, жемістер мен көкөністерді – 13,3%, нан және жарма өнімдерін – 8,4%, қант, шай және дәмдеуіштерді – 2,7%-ды құрады.

Айта кететйік, ең төменгі күнкөріс деңгейі – мөлшері бойынша ең төменгі тұтыну қоржынының құнына тең, бір адамға қажетті ең төменгі ақшалай табыс. Ең төменгі тұтыну қоржыны адам тіршілігін қамтамасыз етуге қажетті тамақ өнімдерінің, тауарлар мен көрсетілетін қызметтердің заттай және құндық көріністегі ең төменгі жиынтығы болып табылады. Ол азық-түлік қоржынынан және азық-түлік емес тауарлар мен ақылы қызметтерге жұмсалатын шығыстардың бекітілген үлесінен тұрады. Күнкөрістің ең төменгі деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығыстардың үлесі ең төменгі тұтыну қоржыны құнының 40 пайыздық мөлшерінде белгіленген.

 

Барлық жаңалықтар