Астанада «Вокорд-Циклоп» аппараттарымен 9300-ден артық бұзушылық тіркелді
2 Тамыз, 2016 19:17
Елордада 21 «Вокорд-Циклоп» аппараттық-бағдарламалық кешені орнатылған. 25 ақпаннан бастап осы күнге дейін жылдамдық режимін бұзудың 9300-ден артық фактісі тіркеліп, 230 миллион теңгеден астам сомаға айыппұл салынды, деп хабарлады қала әкімдігі.
Еске салайық, аталған аппараттар жылдамдық режимін бұзған көліктерді автоматты түрде тіркейді.
Кешендер көше жарықтандырудың стандартты тіректеріне орнатылып, қала сәулетін бұзбайды. Жүргізушілерді ескерту мақсатында ақпараттандыру белгілері қойылды.
Бұрын хабарланғандай, орнатудың қарапайымдылығы құралды жолдың басқа бөліктеріне ауыстырып қоюға мүмкіндік береді. Бұл Астана қаласының ішкі істер департаментінің қарауына қарай жүзеге асырылады.
