Шымкент әкімдігі тұрғындар үшін мемлекеттік қызмет алу үдерісін жеңілдетті
2 Тамыз, 2016 12:21
Шымкент қаласы әкімдігінің жанынан ақпарат алудан бастап қажетті құжаттарды алуға дейін Шымкент әкімшілігінің барлық қызметін көрсететін «Фронт кеңсе» ашылады, деп хабарлады әкімдік.
«Фронт кеңсенің» ашылуы ұзын сонар кезектен құтылуға мүмкіндік береді. Яғни, облыс орталығының тұрғындары түрлі сұрақтарымен аталмыш кеңсеге жүгініп, тез арада қажетті құжаттарын ала алатын болады. Бұл мемлекеттік қызметтің ашықтығы мен жұмыс үдерісін қысқартуға мүмкіндік береді.
Әкімдік нақтылағандай, аиалмыш кеңсені құру азаматтардың да қызмет көрсетушілердің де жұмыс үдерістерін жеңілдетеді. Енді қызметті бір терезе қағидаты бойынша алуға толық мүмкіндік туады.
Бұдан бөлек, ақпаратты электронды мекен-жайдың да көмегімен алуға болады. «Фронт кеңсені» жақын уақытта іске қосу жоспарлануда.
