Бас прокуратура қызметкерлері ұлттық қауіпсіздікті қамту бойынша деңгейлерін арттыруда
2 Тамыз, 2016 10:56
Бас прокуратура жанындағы Құқық қорғау органдары академиясында Президенттік резервте тұрған қызметкерлердің кәсіби деңгейін арттыру курстарының ашылу салтанаты өтті, деп хабарлады ведомствоның баспасөз қызметі.
Бір айлық курстың тақырыбы ұлттық қауіпсіздік, терроризм мен экстремизге, сыбайлас жемқорлыққа қарсы іс-қимыл, қылмыстарды ашуда заманауи ақпараттық технологияларды пайдалану тәрізді стратегиялық және бүкіл ел үшін өзекті мәселелерді де қамтиды.
«Оқытудың негізгі мақсаты – тыңдаушылардың басқарушы лауазымға тағайындалуы үшін қажетті кәсіби дағдылары мен басқару біліктілігін жетілдіру», - делінген хабарламада.
Іс-шараға дәріс оқушы ретінде жетекші отандық және шетелдік сарапшылар, сондай-ақ мемлекеттік органдардың басшы құрамының өкілдері қатысатын болады.
