Қазақстанда бір жарым мыңнан астам ауылда мектеп жоқ
1 Тамыз, 2016 16:52
Қазақстанда 1 мың 523 ауылда орта білім беретін мектеп жоқ. Мұның салдарынан 27 мың оқушы тасымалдауға мұқтаж болып отыр, деді ОКҚ брифингінде ҚР Білім және ғылым министрлігі балалар құқығын қорғау комитетінің төрағасы Мәншүк Әбдікәрім.
«Жергілікті атқарушы органдардың назарын балалардың мектептегі тамақтануы мен мектепке жеткізілу мәселесіне аудартқым келеді. Заңнама бойынша тегін ыстық тамаққа ие болатын балалардың категориясы анықталған», - деді ол.
Сондай-ақ, Қазақстанда 1 мың 523 ауыл мектепсіз отыр.
«Аталмыш ауылдарда 27 мың бала тасымалдауды қажет етеді. Жергілікті атқарушы органдар балаларды қауіпсіз тасымалдауды қадағаулары керек», - деді М.Әбдікәрім.
Ботагөз Айтжанова
